大陸公安全面出擊，掃黃之餘更幫民建聯一把，實行捉住白鴿黨嘅何偉途唔放，話佢嫖妓即時收押勞教半年，何偉途報晒名參加立會選舉，你話係咪有心整蠱。
好彩一國兩制，詩姐姐（圖）英明，判何偉途冇事，可以繼續排喺李華明名單參選，咁肥仔明唔知使唔使鳴謝佢，因為反正damageisdone（破壞已造成），白鴿黨嘅招牌已經被抹黑，要慢慢洗番乾淨。
所謂國有國法，家有家規，無端端將人困住再教育，只有共產黨先敢死，香港用BritishStandard，一定唔會咁做。
講開詩姐姐，佢上個星期去北京出席研討會，以及畀面參加胡關李羅同內地首間聯營律師樓開幕禮，八方問佢旁邊嘅人，詩姐姐有冇同煲呔一齊去拜會喬曉陽，佢哋就話冇。其實詩姐姐喺中央好多渠道，唔使咁緊張要求見。唔覺唔覺，佢阿姐喺老董連任後又做咗兩年，有消息話佢會做到尾，唔使勞煩廖長城中途接力啦。
傳真︰2623-9278
電郵︰