民主黨「醜聞」一浪接一浪，八方聽聞下一波就輪到新界東，第一個要郁係黃成智，聽聞話最快今日會有野睇。
其實八方知道，新東唔只黃成智係標靶，聽講重有人收集緊民主派一位明星級候選人陳年黑材料，諗住再炒作一翻，難怪鄭家富（圖）同八方講，今次真係頭都大晒，佢已經知會晒啲7.1連線成員，一收到電話查詢，第一時間要向中央報告，以集體智慧應付抹黑行動。
八方聽愛國愛港人士講，阿爺知醜聞整唔死涂謹申同李華明，但只要令民主黨支持者因為咁唔出來投票，一拖低投票率，分分鐘可以整死邊緣候選人，好似黃成智同港島嘅李柱銘，呢招都好辣。
傳真︰2623-9278
電郵︰