商台七君子，包括鄭大班、林旭華、黃毓民、李鵬飛、蔡子強、蔡東豪以及梁文道自從俞琤高舉「要理性不要感性」旗幟，鏟盡異見分子一役後，已經各散東西。大班去咗參選，林旭華照例助選，毓民銷聲匿跡，飛哥就繼續為有線開咪，蔡子強提前返咗中大，蔡東豪同梁文道就少有走埋一齊，除咗噚晚，佢哋去咗藝術中心壽臣劇院捧胡恩威同林奕華場，睇「開咪封咪」話劇嘅演出。
梁文道首先到場，記者問佢最近忙乜嘢？佢話咪寫吓書。咁會唔會再開咪呢？佢話暫時冇人搵佢。蔡東豪稍後到場，記者要求佢兩位前度拍檔拍張合照，蔡東豪嘅反應都算奇特，佢話，「合照，哈，識佢我都冇運行㗎啦！」講完，兩個男人企直直任記者拍照，然後第一時間衝入場睇戲。
八方唔知佢哋見番電台嘅布景會有乜嘢感想，往事並不如煙，卻如夢吧！
（圖）蔡東豪（左）笑住話識梁文道（右）冇運行，但都肯同佢合照。 卓美娟攝
傳真︰2623-9278
電郵︰