曹敏莉首次接拍古裝劇，說話一向夾雜英語的她昨日提到劇中角色時說：「個角色係成日想catch（抓住）劇中老竇郭鋒嘅attention（注意）。」結果被在場的無綫高層喝止：「呢套古裝劇嚟㗎！」
曹敏莉、吳卓羲、陳鍵鋒、蘇玉華及蓋鳴暉等，昨日在將軍澳電視廣播城為古裝劇《肝膽崑崙》試造型，無綫戲劇分部副總監曾勵珍亦親自到場監督，更不時對在場藝人發雌威。
剛卸任的港姐曹敏莉首次接拍古裝劇，鬼妹仔性格的她穿上古裝仍改不了滿口英語。曹敏莉介紹其劇中角色時說：「我喺劇中好刁蠻任性，成日想catch（抓住）劇中老竇郭鋒嘅attention（注意）。」曾勵珍聽後即時喝止：「呢套古裝劇嚟㗎！」
曹敏莉事後表示會多加留意對白，不過其習慣仍是改不了，她說：「相信呢個角色自己可以handle（應付）到，不過我從未接觸過古裝對白，會睇多啲古裝劇惡補吓。」吳卓羲透露在新劇中將會有新嘗試，他說：「我個角色係黐脷筋同埋塊面生金錢癬嘅，不過只係佔幾集啫，我近期成日喺屋企練黐脷筋。」
此外，曾勵珍昨日否認《肝》劇有抄襲韓片《我的野蠻女友》的橋段，她說：「呢套係實拳實腳武打戲。」她又透露《皆大歡喜》會在明年年初停播四個月，要進一步研究會以哪一種方式再繼續。
採訪、攝影：卓美娟
