早陣子，筆者曾經披露過香港三菱代理引入咗一批PajeroiO特別限量版，重以超值優惠價錢作招徠，唔少識貨的車迷又或者鍾情RV車的Fans，果然即時行動訂車，由此可知道三菱品牌旗下，仍有不少車款備受用家支持！
最近，筆者又收到風，由於三菱一台1.8公升直4GDITurbo引擎（馬力165匹）有號召力的關係，據知香港三菱代理商，遲吓會引入一款Lancer1.8TurboRalliart特別版到港，全車除有一副跑格鮮明的Ralliart包裝外，還有新換裝的Racing鬼面罩、四輪Ralliart跑車避震、16吋專用合金胎軨、前輪塔頂把等組合。至於座艙方面，少不了當然重有一對醒目吸引的Recaro跑車桶椅以及軚式左右+/-轉檔系統，有興趣的車迷真係要拭目以待嘞！
記者：陳偉林
