陳小春、鄭融、梁漢文、何韻詩、董敏莉、吳日言和商台DJ森美等，前晚在紅磡理工大學綜藝館演出舞台劇「森美小儀歌劇團—早安啊！曼克頓」。對於有報道批評該劇某些環節血腥及不文，有份演出的小春力撐沒有問題。
小春說：「我覺得全套劇嘅演員都好專業，我以前睇過一套舞台劇叫《Hair》，最尾全部演員都除衫除褲，觀眾睇到拍爛手掌。如果批評人，不如睇兒童劇，挑剔就不如睇《430穿梭機》，睇兒童節目吖笨。」
小春可願為舞台劇脫衣演出？他說：「睇劇情需要，我都唔介意。批評嘅人不如上台做，其實個個演出都好有熱誠，唔好雞蛋挑骨頭，佢哋咁樣係雞蛋挑石頭。所有人不如上台唱兒歌，叫嗰啲人eatbanana（食蕉）。」
採訪：王連連
攝影：仇志德