劉德華近日忙於綵排月底舉行的紅館個唱，今次他除會演出百老匯大型歌舞及踢躂舞外，還準備將粵劇融入流行曲一同表演。為此，他已拜羅家英為師學習中國戲曲。
日前華仔與排舞老師Sunny特地花了整整一個早上向家英哥學習大戲造手，華仔說：「我之前睇過一班中國舞蹈員表演，佢哋將中國傳統藝術舞蹈配合hiphop音樂嚟演出，重攞到國際獎項，可惜冇乜人知，所以我想幫手發揚一吓。」
當日家英哥問華仔：「你哋將大戲當流行曲咁唱同跳？點跳呀？」華仔即笑說：「用流行曲跳好好睇㗎，師傅你到時一定要捧場，如果有興趣重可以一齊跳㖭！」
華仔學了整個早上，他稱最難的是控制頭冠上的兩條「雉雞尾」，經常轉到他頭暈，還擔心頭暈令他唱不到歌。不過華仔笑指近日令他最頭暈的，還是因太多好朋友向他索取演唱會門票，他說：「𠵱家剩番小量二百蚊飛，其他我冇㗎。」
