身兼台灣總統資政嘅著名老作家柏楊今年已經八十五歲，佢最近接受有線電視張寶華訪問嘅時候笑話，如果記者遲一年嚟，佢可能已經老到寫唔到字。
柏楊早前曾經淚諫陳水扁，話佢不理北京反對，堅持修憲係置全台二千三百萬人嘅安危於不顧。呢位喺國民黨時期被打成異見分子，喺綠島坐過八年監嘅老人家仍然好有火氣，不減佢當年寫出成名作「醜陋的中國人」嘅本色。
柏楊喺訪問中話自己以包容嘅心去面對苦難嘅過去，但係包容同寬大唔等於忘記，柏楊就係要將過去嘅不幸記落嚟，「因為中國領導人千百年來，都是犯同一個毛病，就是要求人民忘記苦難同罪惡，結果由於太容易忘記過去的過失，就失去檢討反省的能力，罪惡因此就一而再，再而三重複發生。」
柏楊就係柏楊，中國如果多幾個夠膽真的自我批評嘅人站出來，改變醬缸文化嘅傳統，咁或者中國人會有救，訪問今晚播出，想被柏先生當頭棒喝一下嘅可以睇吓。
（圖）柏楊已經八十五歲，但佢仍然咁有火氣咁思路清晰。
傳真︰2623-9278
電郵︰