吳浩康日前藏毒官司終告一段落，重新振作的他日前在父親的陪同下，到拳館打泰拳喼弗，不停打沙包、倒立及被踩肚皮，而吳父則希望大家可以給吳浩康一次機會。
吳浩康上周被判藏毒罪名成立，罰款五千元，連日來他大多留在麗港城的寓所中。由於吳浩康下周日將復工，參演「太陽計劃」閉幕禮，故此他開始喼弗保持狀態，日前他便在父親的陪同下，前往灣仔一間拳館打泰拳健身兼練氣。
當日早上九時許，吳浩康穿上便服離開住所，由吳父充任柴可夫，駕着平治房車接載愛兒外出。吳浩康到達拳館後，即跟隨一位被稱為大師兄的拳手一同練習。
吳浩康在練拳前，首先在手臂及關節位搽油，然後便自行練習，該位大師兄上前與他閒聊，吳浩康還對大師兄說：「早排喺屋企成日都冇出街，不過我都有舉二十磅鐵餅㗎。」大師兄即說：「你塊臉就瘦咗，但睇你條腰，都要操吓喎。」
接着吳浩康與大師兄對打，為鍛煉腹肌及耐力，他躺在地上，讓大師兄踏着他的肚皮，而他亦不停打沙包、倒立及踢腿，非常投入。其後約十名少女抵達拳館，她們在吳浩康的率領下一同打沙包。
經過五個多小時練習後，吳浩康在下午二時許才離開拳館，並步行至附近的一間書局買書，此時吳父駛車前來接兒子返回住所，提到吳浩康上拳館健身，他笑說：「就快出番嚟見人，都要裝備吓。」
問吳父對兒子的判決有何感想？他說：「件事過咗去啦，全家人都會支持佢，佢去邊我都會車埋佢，都係支持嚟嘅，有個細叔伯送咗啲佛經畀佢睇，等佢念吓佛經平靜吓，佢都有睇住佛經嚟練寫大字，希望大家都畀機會我個仔啦。」
採訪、攝影：娛樂突發組
