今年五月十八日開幕嘅澳門金沙娛樂場，唔經唔覺開業已經差唔多三個月，最近金沙喺美國嘅總公司──拉斯維加斯金沙公司，喺旗下網頁公布今年第二季業績，八方見裏面提到澳門金沙直至上個月，毛利達到八億八千幾萬港元；金沙總公司總裁重話，會繼續揼錢入澳門金沙，增開賭枱、豪華套房、餐廳等等。
話口未完，八方就收到澳門金沙嘅邀請函，話喺金沙娛樂場三樓新開四間主題高級餐廳，其中包括全澳門首間正宗美式扒房，另外重有北京、上海同澳門三地嘅美食。八方剛去過試金沙現有既粥粉飯店，都唔錯，自助餐重24小時有得食，百幾蚊位一啲都唔貴。金沙以拉斯維加斯式手法經營，今次重要加埋美食，睇嚟賭王何鴻燊又要諗計迎戰。
傳真︰2623-9278
電郵︰