梁家傑做大狀就叻，估唔到洗樓企街都掂。八方早前跟佢去洗樓，逐層逐戶拍門，都幾辛苦，不過，佢老哥就愈行愈high，愈戰愈勇，又彈又跳㖭。八方問佢嘅助選團，Alan狀態如何？佢哋都話好唔錯，洗完樓第二朝又一早企街派傳單，周末重出埋老婆仔女拉票。
咁新丁有新丁好，就係可塑性較高，而且梁大狀係九東罕有嘅法律界背景候選人，所以新一輪嘅宣傳都集中推銷佢專業同理性形象，如果大家最近行過觀塘裕民坊或者黃大仙廣場，都會見到張好誇嘅大海報，連製作及一個月掛牆租金，兩幅合共八萬大元，又幾抵玩。
有人問梁家傑，點睇何偉途事件嘅影響？呢位大狀真係謙謙君子，一句不講，因為事情未弄清楚，何況只餘四周，「我目前只想一件事，盡力接觸選民，請他們投我一票。」佢不斷重複。
（圖）梁家傑掛喺裕民坊嘅大海報，係人行過都睇到。
傳真︰2623-9278
電郵︰