名模陳嘉容（Eunis）上周度過一生最難忘生日，男友RickyKwok花費兩萬多預訂金鐘香格里拉總統套房，為她舉行三十人的surpriseparty。
上周三（十八日）生日的Eunis說：「本來食完燭光晚餐，上房探朋友，點知一推門，成班model、朋友大叫『surprise!』，重唱生日歌，真係感動到想喊！」她透露Ricky送上一個星形銀箔栗子蛋糕、九十九支玫瑰及兩地時間手表，當晚她更狂拆禮物，包括各式星形項鏈、首飾、閃石Bratop內衣等，眾人玩到凌晨三時才離去，Eunis和男友度過浪漫一夜。
Eunis說：「今次真係我一生最開心、最難忘嘅生日。Ricky好細心體貼，佢連落妝液、睡衣都幫我執定，我嘅生日願望係每年都可以同佢一齊度過。」