今年係鄧小平誕辰一百周年，如果老鄧唔係六四拍板出解放軍清天安門場，香港人對佢嘅印象會好啲。咁講到中國開放改革，老鄧功不可沒，但係民主同法治嘅步伐就太慢，一句講晒，共產黨點會捨得同人民分權。
不過，年屆八十二高齡嘅前新華社香港分社統戰部部長何銘思就有深刻體會，佢最近就提出中共要向西方政治文明學習，重話民主係最好嘅防腐劑。
鄧小平嘅功過有待史學家評定，不過，三聯書店出版嘅《生活》周刊上一期嘅封面故事就係以鄧小平為題，除咗紀念老鄧誕辰一百年，文章亦提出咗一個嶄新嘅概念，就係將1979年，即鄧小平第三次復出，首次出訪美國，將中國帶向全世界，走上開放改革不歸路嘅關鍵年頭，定為「中國和平崛起元年。」
《生活》周刊已出版咗三百期，本雜誌𠵱家Tom仔嘅周凱旋都有股份，本書買得唔錯，呢期唔少舊文獻，連老鄧同胡耀邦嘅合照都有（趙紫陽就冇）。
傳真︰2623-9278
電郵︰