噚日係七夕，都算係中國嘅情人節，八方就八八卦卦咁去咗港島寶雲道姻緣石度，睇吓有無人去求姻緣，本來以為會撞到啲花樣年華嘅單身少女，或者情竇初開嘅少男，點知喺姻緣石附近見到一個熟識嘅老伯伯身影，八方心諗，唔通呢位伯伯有心有力，都想求到一段好姻緣？行埋一睇，原來係我哋嘅特首董伯伯。
一身運動服裝嘅董伯睇怕唔係嚟求姻緣，八方上前去問佢，但董伯伯同保鑣都耍手擰頭，然後急急腳咁離開，保鑣重喃喃自語咁話：「唔好影啦，呢度係私人地方呀！」
嘩，唔講唔知，咁大條路，每日咁多人行山，竟然係私人地方，睇嚟呢位仁兄都係護主心切一時口快。求姻緣係假嘅，有心有力就真，因為董伯伯落雨濕濕都嚟行山，重行得咁快。
（圖）董特首（右）同保鑣（左）喺姻緣石附近行山，落雨都嚟真係有恒心。
傳真︰2623-9278
電郵︰