早前在港舉辦嘅「中國教會聖經事工展」，有本慈善拍賣嘅君王版《聖經》被人以高價85萬元買入，當日畀錢兼影相者係電訊盈科公共事務阿頭馮馬潔嫻，查實佢係代表，幕後真正嘅買家乃李澤楷。
據悉，小小超除咗覺得本聖經十分珍貴外，重因為拍賣所得善款將全數撥捐中文大學醫學院有關「沙士」及其他傳染病研究項目之用。若果大家唔係咁善忘，舊年小小超喺「沙士」期間亦有捐款贊助買維他命等。今次做善事，涉及「沙士」自然順理成章。
君王版《聖經》，與1894年特別印製並送呈慈禧太后嘅君王版《聖經》係同版製作。呢本新約聖經嘅起源，乃當時居於寧波嘅英國女傳教士AliceSwallow，提出為祝賀慈禧太后60大壽而特製嘅禮品，委託上海美華書館，首創電鑄中文金屬字模印製，非常珍貴。
傳真︰2623-9278
電郵︰