星展銀行近年積極進取，信用卡發卡量突破100萬張，行方當然好高興，於是上個禮拜五特別喺中環一間著名餐廳，開咗支名貴香檳，招待一班記者行家。八方唔識飲酒，覺得呢支VeuveClicquotYellowLabel甜甜酸酸，唔知好成點，不過就八到每支要成一千蚊。
唔知係咪太開心，當日嘅話事人、星展信用卡業務總監蔣偉森揸住一張星展信用卡申請表格，就話畀八方知，星展香港董事總經理張耀堂覺得個model都幾好——不過唔使心邪，因為銀行揀model，一向要求都好高，如果連老闆都覺得唔好，又點可以出街呢！
（圖）蔣偉森開咗支名貴香檳，招待一班記者行家。
傳真︰2623-9278
電郵︰