僑界、廣東同埋福建三個社團，噚日搞咗場選舉論壇。不過個論壇好怪雞，擺明車馬全部請哂「愛國愛港」嘅議員，一個民主派都唔請，所以正確咁講，係一個用論壇形式包裝嘅造勢大會。
論壇嘅主持、政協常委陳永棋承認，今次論壇冇請全部候選人，因為算係選舉活動，所以要計入出席候選人嘅選舉經費。
不過呢個主持唔係幾專業，好多台下書面問題，棋哥都唔明，重叫啲候選人自己估吓人哋問乜，認真搞笑。
雖然個論壇擺明係益班候選人，但台下有啲騎呢問題都幾難答。有人問范太，何偉途涉嫌嫖妓，咁係咪應該搞娼妓合法化？有人問蔡素玉，民主黨成日攻擊保皇黨，咁你肯唔肯還拖，片李柱銘係「逢中必反」同「走狗」？有人重問蔡素玉：「你喺報紙話，自己最受三十至四十歲嘅中產歡迎，咁你有冇本事，爭取呢啲人嘅老婆同女朋友支持？」
傳真︰2623-9278
電郵︰