沙士過後，經濟有多少起色，失業率降番多少，大家掛住講選舉，冇乜人再提振興經濟。不過，今日就有個大型峯會，由財政司夾埋貿易發展局，再加四個商會一齊舉辦，安排在會展舉行。
呢個峯會都算有規模，有三節研討，唐英年致開幕辭，董特首就做午宴演講嘉賓。三節討論，頭一節講從宏觀角度睇香港經濟發展方向，講者有艾爾敦、王于漸同吳光正。
第二節講核心工業嘅競爭力，講者有范鴻齡、李家祥、黃子欣、王冬勝同盛智文。第三節講人力資源點同經濟結構重整配合，講嘅有陳家強、鄭耀棠、周梁淑怡同徐立之。八方去聽完再同大家報道。
傳真︰2623-9278
電郵︰