新款二十、五十同一千元面額鈔票，十月就會推出市面流通。為咗提高公眾對新鈔票防偽特徵嘅認識，金管局安排咗一個「學生大使計劃」，噚日就有十八個學生大使，喺港島十八個購物中心、十個街市同主要街道，向五千幾間零售商舖派印有新鈔票式樣同新增防偽特徵嘅教育單張同座枱紙板；呢班學生大使日後重會去其他主要購物點宣傳。
隨此之外，金管局又會喺九月二十五日同十月三十日有兩個公開講座，向市民大眾講解有關新鈔票設計同防偽特徵。金管局搞咁多活動，相信新鈔推出時，大家都唔會覺得太陌生！
（圖）金管局請大專生幫手傳宣，提高公眾對新鈔票防偽特徵嘅認識。
傳真︰2623-9278
電郵︰