賭王何鴻燊三姨太陳婉珍，前晚與十五歲女兒何超雲欣賞芭蕾舞劇《天鵝湖》。五呎七吋高的超雲亭亭玉立，陳婉珍表示不反對女兒加入娛樂圈，一切以女兒意願為依歸。
香港芭蕾舞學會四十周年，前晚在葵青演出《天鵝湖》，特首夫人董趙洪娉、王仁曼、賭王何鴻燊三姨太陳婉珍及女兒何超雲等均有到場。
何超雲穿上美國品牌DianevonFurstenburg綠色圖案上衣，配MarcJacobs手袋赴會，到場後與母親陳婉珍企定大方任影，一派名門淑女風範。
現時就讀中四文科班的超雲說：「中五之後就會去英國讀書，𠵱家學咗兩年中國舞，係學校指定要學嘅。」五呎七吋高的超雲身材高䠷，可有星探發掘她做模特兒或明星？她卻搖頭說：「冇，冇人搵我。」問陳婉珍會否准許女兒加入娛樂圈？她表示不反對，一切以女兒意願為先，她說：「佢得十五歲，好細個咋！讀完書先啦，不過佢鍾意做乜都可以，只要係正確就得喇。」
陳婉珍又大談教女心得，她表示甚少親自督促子女讀書，但會買禮物作獎勵，超雲前晚戴上的七卡心形鑽石吊墜亦是獎品之一，陳婉珍說：「我見佢讀書幾乖，咪送畀佢做禮物。佢讀書幾好，識自己分配時間溫習，做好大家姐應有嘅榜樣，不過數學就差啲。」
陳婉珍續說：「我平時都教佢，其他人同佢一樣，只係佢比較幸運，做任何事都要易地而處，唔好高傲。」而提到有報道指其大屋較其他姨太太大，為人低調但架勢，陳婉珍表示不會理會是非。
採訪、攝影：JessicaNgan
