鄭希怡（Yumiko）和女子組合Cookies昨日在油塘出席呼籲選民投票的活動，Yumiko表示自己並非選民，她解釋說：「因為我對立法會議員唔熟識，所以唔想胡亂投票，不過出年我一定會登記做選民，同埋留意多啲時事。」剛於日前推出新碟的Yumiko今日會在銅鑼灣舉行新碟宣傳，雖然這幾天天氣惡劣，但她稱絕不取消行程，不過希望屆時天公可以造美。
另外，Cookies的成員Stephy對於緋聞男友雷德賢因遊蕩罪成被判收監一事，表示閱報得知，但稱對此沒有感覺，因與對方並不相熟，不過卻認為對方可能因飲醉酒才會做錯事，問她是否與對方劃清界線，Stephy說：「唔係呢單新聞先同佢劃清界線，而係大家一直只係普通朋友。」