要三十四年都做同一種工作，睇怕唔係好多人頂得順，不過重有個幾禮拜就退休嘅考試及評核局秘書長蔡熾昌，噚日喺港台《香港家書》中就話，其實呢三十四年從事香港公開試工作，從未感到悶。
蔡熾昌話近十二年升做考評局「揸fit人」後，每逢打大風、落暴雨嘅清晨都要睇住個天，隨時決定係唔係取消當日嘅考試，連累蔡太冇覺好瞓，「退休之後，的確如釋重負。」
臨別在即，蔡熾昌為香港考試制度呼冤，佢話成日有人批評考試害咗學生，實乃香港嘅師生們現「不考、不學、不教，點樣考就點樣學、點樣教」嘅情況；故此考評局因而出多啲發表己見嘅題目，學生只要言之成理都可以得分，希望咁可以鼓勵學生獨立思考。
傳真︰2623-9278
電郵︰