來港履新四個月嘅新任日本駐港總領事北村隆則噚日喺山頂官邸，招待學生同傳媒欣賞由日本、中國兩大偶劇團「影法師劇團」及「成都木偶藝術劇院」合作嘅大型木偶劇《三國志》片段（圖），北村總領事話今次兩大藝術團體合作，係紀念簽署中日和平友好條約十周年。「成都木偶藝術劇院」負責演出，「影法師劇團」則負責製作木偶、編劇同導演，演繹「三顧草廬」及「赤壁之戰」兩段歷史故事。
北村總領事八六年曾派駐香港，今年重臨佢話香港變化好大，不過噚日佢多談文藝少談政治，講到下個月立法會選舉佢話選舉唔應該係市民唯一關心嘅事，因為社會重有好多其他問題要關注，至於亞洲盃中日大戰風波，佢更加係隻字不提。
上述木偶劇《三國志》今晚七點半同聽日下午三點喺沙田大會堂演奏廳演出，係「國際綜藝合家歡」節目之一，市民可致電23701044查詢。 張家俊攝
傳真︰2623-9278
電郵︰