日本創作女歌手元千歲自從今年一月喺個人網頁上宣布同食店老闆奉子成婚兼暫別歌壇後，就一直專心準備今年夏天做媽媽。不過噚日佢喺個人網頁嘅日記上，就宣布BB已經不幸流產，不過佢仍然好積極咁話人生重有好長嘅時間，將來一定會再有機會懷孕，叫fans唔好擔心，佢又話復出前一定會第一時間喺網頁上同大家公布。