趙金卿前男友侯維德早前被拍得在新加坡舉行的同志派對上，與同性友人親嘴，前晚趙金卿出席配飾展時，被問到侯維德的性取向，以及二人拍拖時有否發生性關係時，她只表示二人並沒有同居，但她則力撐侯維德有才華和勤力上進，更表明無論對方的性取向如何，也支持到底。
名店連卡佛旗下的OnPedder前晚在中環香港設計中心舉行二○○四秋冬配飾展，一次盡騷名牌ChristianDior、Chloe、JimmyChoo和HelmutLang等鞋履及手袋系列，同場還有兩位模特兒示範貴氣furitems，而到場的有OnPedder要員周嘉玲、趙金卿、名模AnaR.和胡敏珊等。
趙金卿前男友侯維德（Walter）早前被拍得在新加坡一個同志派對上，與同性好友親嘴及擁抱的照片，趙金卿前晚對此說：「佢嗰時咁啱喺新加坡工作，我sent咗SMS問候佢，佢都好唔開心。」
問趙金卿可知Walter有同性傾向時，她即反問說：「乜嘢係gay嘅定義先？」記者旋即問她與Walter拍拖時可有發生性關係？她說：「我哋都冇住埋一齊，私事唔想講，我亦唔理、唔想講。」。
不過趙金卿表示曾見過Walter的同性好友，她還覺得是因為自己的知名度連累了對方，她力撐Walter說：「佢好有才華，以前喺St.Paul教咗七年書，佢細個窮，冇錢學鋼琴，就企喺課室外面偷聽人哋彈，再走去教堂練琴。佢對人好好，坐飛機怕你凍，會幫你拎張氈。人冇分邊類，佢係我好友，一定支持佢。」
再問是否也支持Walter的性取向時，趙金卿說：「係，無論佢點，都係我其中一個最好嘅朋友。」她透露會在自傳中描述二人的友情。
採訪：RitaLeung
攝影：MatthewLam
