重有三個禮拜就係立法會投票日，噚日八方見到金融服務界功能組別候選人之一嘅金匯投資大老闆馮家彬，自由黨嘅佢話家陣雖然臨近投票，但心境好平和，因為今次拋個身出嚟並非為名利，只係希望為業界做番啲嘢咁話喎！
佢同八方講，為咗今次能夠順利當選，大大話話都用咗幾個月時間，拜訪有份投票嘅六百多位人士或機構。一為拉票；二為了解業界情況。馮老闆話，經過今次人盯人式嘅拉票，大證券行約八成嘅票源已成為佢囊中物，好有信心啲中、小型行都會支持佢。
不過今次金融服務界嘅候選人，個個都有咁上下斤両，各人嘅得票可能唔會相差太遠，估計要一百五十票才可言勝。對於大熱門詹培忠，佢就冇正面評論，只係話金融界最緊要講誠信，淨係火爆係冇用嘅！唔知潮州怒漢有冇回應呢？
傳真︰2623-9278
電郵︰