警界小情人明鬥氣
阿Sa有Feel霆鋒唔過電

吳彥祖、蔣怡和尹子維在電影《新警察故事》中演大反派。謝霆鋒和蔡卓妍（Sa）則飾演警界小情侶，阿Sa自言拍攝時很快便愛上了霆鋒，但霆鋒卻表示視對方細妹，沒有過電。

電影《新警察故事》由成龍、楊采妮、蔡卓妍、謝霆鋒、吳彥祖等主演，將於下月上映。日前霆鋒、阿Sa、吳彥祖、蔣怡和安志杰等，一起在柴灣影樓拍攝宣傳海報，阿Sa和謝霆鋒以歡喜冤家的姿態拍攝，化身警界小情侶。

「會識得抽離」
阿Sa自言無論做任何事均會全情投入，所以一開始拍攝這套戲時，就盡量令自己愛上霆鋒，她說：「我係專業演員嘛，同得霆鋒做情侶，就要對佢有feel，最緊要係識得抽離，呢樣我就冇問題啦！」
霆鋒則表示與阿Sa有代溝，更指自己一直視她如細妹，所以一定不會戲假情真，霆鋒說：「雖然我哋同一間公司，但係我比佢出道早好多年，入行到𠵱家都叫佢做妹，又點會有觸電嘅感覺？不過我同佢第一次合作拍電影，都希望可以擦出強勁火花。」

反派拍照開P
而吳彥祖、蔣怡、安志杰、葉山豪和尹子維在戲中合組大反派「叛逆X世代」，當日五人被安排戴上面具拍海報，吳彥祖表示他們私底下亦老友鬼鬼，所以當日大家都自備相機，乘機拍合照留念，就如開派對一樣開心。