點樣先算係潮人？唔一定要買名牌衣着嘅，只要你學識整番幾味潮州點心，或者沖得一壺絕頂功夫茶，不但潮流任你走，重可以班門弄斧向朋友炫耀一番！於是一班小蘋果決定勇闖潮州酒家「潮江春」，拜訪大師傅學吓整番幾味潮州點心，再歎番杯功夫茶，做個真正嘅潮州廚藝師傅。
記者：餐蛋麵
攝影：淨油菜
所謂名師出高徒，7位小蘋果決定向潮江春中菜部賈師傅學藝。賈師傅一落場就教佢哋整「紅桃仙果」，呢款點心好考功夫，稍一不慎便前功盡廢，完成後還須放進蒸爐乾蒸後才可品嘗，是潮州人喜慶時節的美食。
話咁快就完成第一件潮州點心，緊接住落嚟係要整潮州人吉祥點心──鹹油果。鹹油果製法比較複雜，要講包紮手藝，又要用油炸，過程一啲都唔可以馬虎，第二個挑戰嚟喇！
小蘋果接過證書後開心到不得了，慶祝方法層出不窮。
點樣可以沖壺正統嘅潮州功夫茶？步驟原來多到暈，一心以為小朋友難以掌握要訣，但憑着不斷努力鍛煉和嘗試，結果還是可以沖出一壺絕頂功夫茶！
潮州茶藝親子工作坊
日期：8月25日至9月22日
參加方法：由即日起於美心集團旗下潮江春及聚豪閣品嘗「潮州滋味」美食滿$300，即有機會參加。
備註：適合六歲或以上小朋友參加及須家長陪同。
親子工作坊舉行詳情：
太古城分店（28850212）
日期：8月25日下午5時30分至6時30分
上環維德商場分店（25457778）
日期：8月28日下午3時30分至4時30分
沙田新城市廣場分店（26941688）
日期：9月4日下午3時至4時
