人氣反彈的杜德偉（Alex），其前女友周汶錡與緋聞女友陳開心昨晚狹路相逢，一同出席銅鑼灣一髮型屋的開幕活動，起初周汶錡與傳媒談得興高采烈，但她得悉陳開心亦會到場時，即不耐煩說：「我唔識呢個人。」
問周汶錡會否覺得尷尬，她煞有介事說：「我唔識呢個人，做乜要尷尬，唔答呢個問題，唔做訪問呀。」隨即發脾氣離開，當記者追上前問她會否介意合照？她說：「我唔識佢，做乜合照？」
其後記者問陳開心可有見到周汶錡，她說：「吓！我見佢唔到，可能背住睇唔到啦。」至於會否合照，她說：「我唔介意，但不過唔好啦，好尷尬嘅，都唔識佢。」
提到周汶錡拒談陳開心，她說：「係呀！講真我同Alex唔熟，唔知點解會咁傳，不過我覺得個男仔唔大方，話我係香港許純美，我同許純美都唔同style，總之我咁大個女做最後悔嘅事就係紋身啦。」
採訪：何永寧
攝影：陳偉權
