李麗珍與髮型師馬桂燦（JackyMa）及其妻李靜婷大被同眠的三角情慾關係曝光後，風波至今仍沒完沒了。而馬太自搬出三人同居的寶翠園後，便遷入由JackyMa租用的中環寓所，但昨日該單位的業主入稟法院向JackyMa追討六萬三千元欠租，令馬太需漏夜搬走。昨日馬太更透露丈夫的家人日前已帶走其子女，現在她沒家、沒丈夫、沒積蓄，可謂一無所有。
李麗珍與髮型師馬桂燦及馬太李靜婷糾纏不清的情慾關係，連日風波愈鬧愈大，昨日中環干德道殷樺花園一個單位的業主入稟法院，向JackyMa要求收樓及向他追討多月來合共六萬三千元的欠租。
根據入稟狀，原告江黛妮及江劍華為殷樺花園第二期某單位的業主，而JackyMa於今年四月中與原告簽訂租約，租住上述單位，月租二萬元，為期兩年，但JackyMa自今年五月中開始欠租，多月來只曾付款八千元。原告除申請收樓及追討欠租外，亦要求馬桂燦賠償交吉前每月二萬元的租金收入、再成功出租前的租金損失及新舊租金的收入差額。
其實JackyMa自今年三月與李麗珍在碧瑤灣共賦同居後，殷樺花園的住處一直只得馬太及一對子女居住，而JackyMa現時因欠租三個月被業主追債，令居於上址的馬太昨日不得不漏夜搬屋。
馬太昨傍晚約六時獨自離開殷樺花園住所後，匆匆登上的士離去，事後她接受本報記者訪問時，對於被業主入稟法院追討欠租仍不願多言，只無奈地說：「我連仔女都冇埋啦！」經記者再三追問，馬太才說：「噚晚男家（指JackyMa家人）將啲仔女帶走晒，今日係我最後一日住喺度。」
馬太又透露JackyMa已表明不會再給予她經濟上的支持，對方更着她搬到酒店暫住。馬太說：「Jacky同我講話欠租佢會搞掂，但唔會再提供呢度咁貴嘅住宿畀我，二萬蚊月租負擔唔起，叫我自己住酒店。我一個人覺得好孤立，自己承受好大壓力，噚晚俾人帶走埋啲仔女，我成晚都冇瞓，喺度喊。」
昨日有雜誌刊登了馬太親述與JackyMa及李麗珍的三角關係情慾手稿，大爆三人的性生活細節，又指李麗珍與JackyMa試過在一個月內做愛五十二次，並自言曾與李麗珍有同性關係。
不過馬太昨日卻自稱周刊記者在未得她同意下便刊登手稿，而刊登後又令她受盡壓力，因為她在手稿中描述JackyMa曾為李麗珍細意修剪×毛，結果惹來JackyMa有份任股東的Headquarters髮廊致電向她表示不滿。
馬太說：「Headquarters有啲股東打電話畀我，話講到咁重邊有人敢嚟剪頭髮？全部人都畀我整『冧』晒。」她又慨歎自己現時身無分文說：「我𠵱家已經冇晒錢，Jacky唔會畀錢我，我都唔知嚟緊會點，自己成十幾年冇做過嘢，我係想出書，希望有啲專欄可以寫吓。」
另一方面，JackyMa昨日透過助手盧小姐在電話中回應欠租一事，她說：「其實噚晚已經同業主達成協議，啲尾數今日都清晒，業主嗰邊會出封信取消入稟㗎啦。其實嗰度Jacky冇住過，一直係馬太住，Jacky只係負責簽租約，你話佢幾無辜呢。」
對於馬太打算出書詳述她與Jacky及李麗珍間的恩怨及性生活，盧小姐說：「Jacky唔想愈描愈黑，亦唔知佢前妻講乜嘢，或者佢鍾意做個人物，但Jacky唔會回應，佢係男人，佢要搵食㗎嘛！」
此外，盧巧音、鄭伊健及伍詠薇昨日先後在Headquarters現身，盧巧音偕同助手離去時，被問到會否擔心被JackyMa以該把為李麗珍修剪×毛的剪刀為她理髮時，她即笑說：「我都唔係搵佢剪嘅，佢係專業嘅就唔會搵個客個頭嚟搞。」
採訪：卓美娟、張止寒
攝影：林德雄、娛樂突發組
案件編號：HCA1925/2004
