雖然話家陣市場氣氛不利二三線股，但小初實在難明時富投資（1049）會在股價接近全年最低位時，先至發行新股引入策略性股東。
經紀陳話，時富老闆係財技高手，人哋咁樣做必有原因，根本唔使小初擔心，不如放心一齊睇好戲。
時富投資噚日停牌，原來係向一名沙地阿拉伯投資者，以每股0.33元，發行7200萬股，涉及金額只係2376萬元，但就已佔時富投資擴大股本的16.46%。
其實呢位阿拉伯投資者，較早前已經認購咗時富投資個仔時富金融（8122）的可換股票據，今次添食入股阿媽，睇嚟雙方都幾情投意合。
時富投資自科網股熱潮過後，從來再冇炒過，而公司業績亦唔多好睇，所以股價一直低殘。今個月時富投資再由0.40元以上跌落嚟，家陣配股價重要較停牌前收市價折讓8.3%，而集資嘅錢又唔係多，睇落真係好離奇。
慕容小初