由於過去一星期都是日本假期，好多大作都出得七七八八，業界漸吹淡風，只有《WE8》重可以喺場度企住賣$390。《KOFMaximumImpact》賣$420左右，不過反應只一般，而另一重頭作《麻雀派對》中文版就賣緊$280，反應算係不過不失。本星期主角──RPG遊戲《幻想水滸傳4》在市場燃起一絲曙光，始終是襟煲襟玩嘅RPG類，銷售情況還算可以，市價約$410。至於CAPCOM9月大作《BIOHAZARDOutbreak:File2》，遊戲質素及難度，可以話係歷來之冠，加上預訂送《DMC3》體驗版，買一得二，預訂價$418。而XBOX和GC方面就較靜，XBOX嚟緊有隻《RAINBOWSIX3：黑箭》、《SVCCHOAS》等翻炒作品，最悶就係GC，要等到十一月先有勁作，不過追開嘅Fans都慣囉。
本星期海關展開大型掃蕩行動，目的地係灣仔及荃灣Game舖，掃蕩目標係一眾翻版GBA帶。呢兩個場一向都是翻版GBA帶集中地，幾新嘅帶都有，任記損失認真唔少，希望呢次行動令GBA遊戲能夠返回正道。
文：打機鐵人
