鄭秀文（Sammi）明日推出新唱片，她不單邀請其歌唱老師杜麗莎擔任監製，更找來一位十來歲時認識的朋友拍攝封面照。Sammi的攝影師好友指她最簡單的一面便是最美，而Sammi在照片中豪情展露出一排排胸骨，莫非其攝影師好友認為Sammi是「排骨美人」？
鄭秀文與華納唱片公司合約到期前的最後一張大碟《SammiVsSammi》將於明日推出，今次大碟Sammi以翻唱其他歌星的歌曲為主，包括林憶蓮的《灰色》、鄧麗君的《償還》、楊千嬅的《抬起你的頭來》和與許志安合唱的《唯獨你是不可取替》等。
Sammi這張唱片由杜麗莎擔任監製，據唱片公司透露，Sammi入行時曾找杜麗莎學唱歌，彼此認識已久，杜麗莎認為《唯》是首好歌，遂建議Sammi將歌曲一併收錄在大碟中。傳聞杜麗莎今次以友情價擔任監製，不過酬勞亦十分可觀，對此唱片公司認為物有所值，價錢多少也沒有所謂。
唱片公司今次落重本製作Sammi最後一張唱片，是否希望藉此挽留Sammi？華納方面說：「不論外界點講，我哋好重視Sammi，而Sammi都好重視今次張唱片，所以好似化妝髮型同攝影師咁，佢都一手包辦。Sammi最近同一位十幾歲時認識嘅朋友Eydie重逢，知道對方原來去學攝影學咗幾年，所以搵對方影今次唱片封面，而Eydie認為Sammi打扮最簡單係最靚嘅。」觀上圍未見突出的Sammi，在唱片照上展示了一排排的胸骨，莫非攝影師認為Sammi愈多「排骨」便愈靚？
Sammi又在唱片中親自題字，她說：「由卡拉ＯＫ揀歌開始，以至mixing完畢，由始至終都肯定這是一張『值得擁有』的唱片。」
此外，身為新碟監製的杜麗莎，昨日到商台接受訪問，她說：「Sammi家姐有一日喺溜冰場畀咗一張由Sammi寫嘅卡畀我，之後我就同Sammi見面，佢話搵我做監製，係因為佢呢隻碟係翻唱人哋嘅歌，所以要唱得更加好，而且佢話隔咗咁多年冇出碟，希望可以做好啲。」
杜麗莎表示錄音期間發覺Sammi做事十分積極，她說：「佢簡直係superwoman，佢明知辛苦，但係都盡力去做，我覺得一個咁嘅歌星係值得佢咁紅，但係我想佢以後食多啲嘢。」
