女歌迷義務扮Twins齊齊玩
阿Sa、伊健複製母親的抉擇

蔡卓妍（阿Sa）和鄭伊健的新片《阿孖有難》海報，構思取材自母親的抉擇宣傳海報，二人大玩分身，扮作孖仔和孖女。阿Sa拍海報時，更找來女歌迷做替身，事後阿Sa還頻呼好玩。

蔡卓妍和鄭伊健主演、彭發執導的電影《阿孖有難》即將上映，阿Sa和伊健日前為該片拍攝海報。電影公司為搞噱頭，他們竟以母親的抉擇之宣傳海報做藍本，阿Sa和伊健在海報中分別以孖女和孖仔姿態出現。

盼彭發開戲
攝影師先安排阿Sa獨自拍照，然後與女歌迷攬着合照，最後以電腦合成，達到阿Sa攬着阿Sa的效果。阿Sa說：「我覺得咁樣好好玩，我呢次真係有一個同我一模一樣嘅Twins。」阿Sa還多謝女歌迷做她的替身。
阿Sa表示這次跟導演彭發合作得非常愉快，她說：「我好鍾意同佢合作，加上呢套戲喺泰國拍外景，全程好開心，我希望以後彭發多啲開戲，重要主打喺泰國外景，我鍾意嗰邊啲天氣，如果可以開拓泰國巿場，長期留喺泰國生活都唔錯。」

伊健一腳踢
此外，阿Sa有女歌迷義務做替身，但鄭伊健則要自己就位拍兩次，他說：「冇人幫都冇所謂，我自己都搞得掂。」
採訪：比華利