瑪麗蓮夢露噚日喺光天化日下現身天星碼頭，唔通一到農曆七月就咁猛？哦！睇真啲，原來呢個風騷豔女郎唔係瑪麗蓮夢露翻生，只係瑪麗蓮夢露翻版。 呢個翻版無論衣着同神態舉止都好似性感女神上身，兼且熱情如火，睇嚟重好鍾意香港，唔少途人都要同佢合照，講咗咁耐，翻版夢露其實係東涌東薈城商場邀請嚟香港，喺聽日同後日舉辦嘅「星魅凝聚東薈城」上做表演嘉賓嘅，公關篇新聞稿上面重白紙黑字話同場有死咗好耐嘅貓王皮禮士利表演㖭，又咁猛？當然都係翻版啦！ 傳真︰2623-9278 電郵︰[email protected]
