日本女星國分佐智子，嚟緊將會第一次擔演由《富江》導演及川中執導嘅恐怖片《東京傳說》，故事由國分收到一封中學同學寄嚟嘅求婚信開始，之後佢被嗰個變態求婚者跟蹤而陷入恐慌狀態。出名細膽嘅國分話拍呢部戲令佢精神同肉體都好辛苦，不過佢話會忍耐喎！套戲預定喺下個月十一號喺日本上映。