無綫外籍演員河國榮多年前因受到張國榮和譚詠麟的歌曲影響，毅然來港發展歌唱事業，最終卻加盟無綫做藝員。月前，河國榮到瑪利蓮夢露和羅拔迪尼路曾先後入讀的演藝學校修讀短期演藝課程，實行自我增值。
現年三十九歲的無綫外籍藝員河國榮，原籍澳洲，早年他在澳洲一大學攻讀醫科時，認識了不少香港和新加坡同學，從而學會廣東話，並愛上張國榮和譚詠麟的歌曲。由於河國榮一向醉心唱歌，故大學三年級時毅然放棄學業，到香港盼圓歌星夢。
不過，河國榮來港後卻當起補習學校的英文老師，八八年一月無綫要找一位能講廣東話的外籍演員，河國榮誤打誤撞試鏡，結果一試即合，他說：「嗰次我見曾勵珍，緊張到頭三分鐘講唔到嘢，又講得好差，以為自己唔得，點知佢哋喺冇選擇之下揀咗我。我初時做特約，每日三百蚊人工，七個月後先至轉做正式藝員。」
河國榮入行拍劇多是做閒角，但也曾試過在電影《表姐你好嘢之情不自禁》中擔演男主角，跟鄭裕玲做對手戲，而年前他更有機會做紀念鄧麗君的舞台劇《但願人長久》，扮演鄧麗君男友。
雖然河國榮演出經驗豐富，但他演出《但》劇後發覺自己演技尚未到家，故向無綫請假三個月，到美國洛杉磯著名的演藝學校「LeeStrasbergTheatreInstitute」修讀演藝課程，瑪利蓮夢露（MarilynMonroe）和羅拔迪尼路（RobertdeNiro）亦曾是該校學生，來頭不小。
河國榮說：「老師要我哋練到五官都有記性同感覺，但我明白時已經係第三個月，希望遲啲有機會再去進修，起碼讀兩、三年先至能夠畢業。」問河國榮最大心願是甚麼，他笑說：「香港市場唔係咁好，我哋呢啲識講中文嘅鬼佬想搵好角色真係好難，所以希望將來有機會喺唱歌方面發展，或者去美加同中國內地睇吓有冇發展空間。」
採訪：戴彩煥
