超人李嘉誠雖然日理萬機，但每次見佢都係精神奕奕。噚日長和系中期業績記者會，超人更加令人眼前一亮，皆因十年如一日冇變過look嘅誠哥換咗個新髮型，重係前幾年「潮」過一輪嘅skinhead。
長和系咁叠水，你估係邊個幫誠哥haircut呢？原來係佢自己。據超人講，某日佢自己用鬚刨修吓啲髮尾，點知隻手唔覺意碰一碰，剃咗自己一忽頭髮，又要趕住出門，「結果咪剪咗，幾好吖，減少啲煩惱，𠵱家又唔使梳頭」；誠哥重好風騷咁問在場嘅記者，佢個髮型係咪好清爽？
講開又講，除咗超人剪短頭髮，小超人李澤鉅都換咗新髮型，人哋話上陣不離父子兵，估唔到兩父子剪頭髮都咁合拍。
（圖）超人李嘉誠剃咗新髮型好風騷，重問記者係咪好清爽。
傳真︰2623-9278
電郵︰