「天氣咁熱，屋企冇雪櫃，惟有求其用『筲箕』笠住啲餸菜擺喺枱面，好多時啲嘢食隔過夜會發臭、變壞，我就唔敢食，驚對身體唔好。𠵱家會叫街坊每次盡量幫我買少啲餸，費事食剩嘛﹗」六十七歲行動不便的林伯歎道。
獨居的林伯，育有一子一女，妻兒均居於內地，他大半生在紗廠工作，退休十年，現靠領取綜援金維生。體弱的林伯，患胃病多年，需長期覆診及服藥，另雙腳飽受風濕骨痛折磨，要常在患處貼風濕膠布紓緩痛楚，每月花費不輕。不良於行的他，靠枴杖輔助步行，平日甚少外出，一日兩餐餸菜依賴街坊協助購買。
為節省開支，林伯以往在荃灣租住板間房，與其他租戶共用一個由業主提供的雪櫃存放餸菜；兩年前，林伯獲房屋署分配公屋單位，惟家貧一直無力支付千多元購買雪櫃，生活甚感不便。
「屋企有雪櫃，就可以留起啲餸菜慢慢食，唔使成日麻煩街坊幫我買餸；另外可以將啲胃藥、咳藥水放晒入雪櫃，唔使驚啲藥變壞。」林伯期盼着說。
捐款編號：C1480
暖流熱線
電話：29908688
傳真：23702192
電郵：
網址：