新晉女子組合女生宿舍日前到深水灣大玩花式滑水，寓喼弗於娛樂，成員梁靖琪（Toby）與陳美詩（Macy）大顯身手，玩得不亦樂乎。不過幾位成員沖身期間，卻引來一班「鹹濕佬」圍觀。
女生宿舍下月將推出處女EP，四位成員梁靖琪（Toby）、陳美詩（Macy）、張曼伶（Bella）及廖雋嘉（Elise）需應付一連串的宣傳及拍攝廣告工作，忙得透不過氣，日前她們便趁空檔忙裏偷閒，到深水灣一嘗花式滑水的滋味，順便喼弗減肥。
四位成員以猜拳決定誰先下水，不過運動健將Toby自告奮勇首先進行下水禮，自小熱衷運動的她發揮得淋漓盡致，短時間內已能夠掌握箇中技巧，更不時做出勝利手勢，其他成員即歡呼叫囂，好不熱鬧。
接着便輪到Macy大顯身手，由於Toby表現理想，令Macy增添不少壓力，落水前她更大叫說：「好驚呀！」在教練的指導下，Macy經過一次失敗後已能順利在水面滑行，不過每次滑不到一回便跌進水中，幸好Macy沒有氣餒，細心聆聽教練的訓話再接再厲，各人亦為好姊妹打氣。
提到滑水表現如何時，Toby充滿自信說：「我之前都玩過一次，其實我對運動好有天份，所以都可以掌握到，下次我會約埋Macy一齊玩。」而Macy亦大呼好玩，她笑說：「好玩呀！我覺得肯學就乜嘢都得，今次係我第二次玩，如果可以好似Toby咁，我已經覺得好好！」
雖然怕水的Elise與Bella未敢下水，但她們看到兩位成員玩得相當開心，也開始心癢癢，在Toby陪伴下，Elise終於敢跳下水中一試，可是她卻因為太過害怕而大力抓着Toby不放，Elise說：「其實我唔諗住落水，今次係我第一次落海，所以好驚。」
此外，最令Macy難忘的原來是在公眾沖身地方遇到一班「鹹濕佬」，她說：「我同Toby去沖身，起初裏面只係有三、四個人，但係我哋愈沖裏面就愈多人，多咗成倍，其中有個人重喺我隔籬係咁望住我哋。」
採訪：羅慧敏 攝影：仇志德
髮型：AnnieG.Chan
滑水設施提供：PatrickChan
