已故馬會主席李福深個仔李國法搞咗間OregonScientific公司，專設計啲迷你高科技產品好似鐘同MP3咁，前晚喺時代廣場搞show。李國法係李家後人，寶baby公子李民橋份屬親戚，當然要畀面；胡應湘個仔胡文新亦都有嚟捧場。
李民橋同胡文新都異口同聲話最常用嘅高科技產品只係數碼相機，李民橋話：「最多咪用嚟幫個女影相囉，佢𠵱家二十個月大啦。」呢兩位公子，又話最近最沉迷係睇奧運，最鍾意睇跳水項目咁話。
其實除咗李民橋、胡文新之外，八方重見到理大校長潘宗光同特首細佬董建成在場，當然唔少得一班靚model啦。
傳真︰2623-9278
電郵︰