何秀蘭舊年砌低葉國謙當選觀龍區議員後，唔少街坊成日同八方投訴話佢神龍見首不見尾。
噚日佢同立法會競選拍檔余若薇去觀龍區附近拉票，有位街坊簡生走埋去兜口兜面抦何秀蘭當選後唔見人，辦事處又成日冇人當值。何秀蘭辯稱自己為街坊做咗好多嘢，例如某處塌樹，佢都有立刻處理，但簡生即刻還拖話呢啲係應份做。
不過呢位簡生都好公平咁補多一句，葉國謙其實喺觀龍都冇做嘢，反而民建聯楊位款就好勤力，可惜佢係民建聯，又支持23條立法，九月選舉都係唔會投佢票。
所以話，啲選民嘅眼睛係十分雪亮嘅，你有冇做嘢佢哋心知肚明，何秀蘭要加油啦。
傳真︰2623-9278
電郵︰