男子組合Shine前晚在新城電台接受節目《生活好國度之頭條娛樂》訪問，對於女子組合Cookies日前在公開活動被歌迷搭膊頭合照，有博懵之嫌，原來Shine的黃又南亦曾在混亂中遭歌迷胸襲。
又南說：「呢啲嘢唔只發生喺女仔身上，我之前出席新城《國語力頒獎禮》，離開嗰陣都俾人揸胸，我都嚇到彈起，其實唔只女仔要小心啲，男仔都係。」徐天佑則說：「可能佢冇心揸你，只係唔小心抓到啫。好多女仔戴大圈耳環，一旦遇上混亂抓到耳仔都好痛，所以女仔除咗護胸都要護耳。」
此外，Shine的耳朵貼了膠布，又南說：「我哋有鼻敏感，做完針灸治療要用膠布貼住，因為塊膠布，我夜晚都瞓得唔好。」
採訪、攝影：王連連