好耐冇蒲頭嘅英國女歌手Dido，近日喺倫敦舉行三場演唱會，而佢第一晚嘅表演已經圓滿結束，聽講反應重唔錯㖭。因為麥當娜（Madonna）嘅英國巡迴好快開鑼，唔少人將Dido同娜姐作比較，甚至佢哋嘅歌迷都唔放過，根據日前嘅調查發現，鍾意Dido嘅人，多數係三十至五十歲嘅已婚人士，而鍾意娜姐嘅人，反而係後生仔喎！