本欄是勞工處與《蘋果日報》合辦，逢星期四刊出，旨在為勞資雙方解釋有關僱傭問題，僱主或僱員有任何疑問，可致電勞工處熱線：27171771查詢。
邵會計：老闆，方小華係逢星期三休息嘅，但係下個月中秋節假期又係星期三噃，咁公司係唔係可以慳番一日假期錢呀？
戴老闆：你千祈唔好亂嚟呀！《僱傭條例》規定，如果法定假期適逢係休息日，咁嗰日個員工就係放休息日，公司要喺跟住嗰日補番個法定假期畀員工㗎。
邵會計：但係佢嗰日都會放假㗎啦。
戴老闆：唔係咁計㗎。《僱傭條例》講明，僱員每7日係可以享有最少1日休息日。法定假期還法定假期，一年有12日，好似農曆新年呀、勞動節呀、中秋節翌日呀咁。
僱主唔可以要求僱員喺同一日內同時放法定假期同休息日。所以唔好扣咗佢一日假期呀！
邵會計：咁如果第二日咁啱又係假期呢？
戴老闆：咁就要喺嗰個法定假期之後嘅第一個非假日放番畀佢喇。
以上資料只用作說明《僱傭條例》下的相關條文，對有關法例的詮釋，應以《僱傭條例》原文為依據。如有任何爭議，則以法院的判決為最後依歸。
此外，為了鼓勵及嘉許機構推行良好人事管理，勞工處現正舉辦第四屆「良好人事管理獎」，歡迎各機構踴躍參加。詳情請瀏覽本處網頁
資料提供：勞工處勞資協商促進科
來電、傳真或來函投訴，請附上姓名、地址、電話。有關資料僅供聯絡，絕對保密。匿名投訴恕不處理。一經投訴，本報保留刊登權利。
地址：香港將軍澳工業邨西駿盈街八號。
服務熱線
電話：29908288
傳真：23702192
電郵：