六十歲的泉叔，營營役役大半生，居無定所，近日才找到一個較為滿意落腳地。「呢度算係我近幾年住得最舒服嘅地方，有獨立廁所同廚房，唔使好似以前咁，喺間細套房放多張椅都冇地方，好迫夾、好辛苦。」泉叔說。
單身的泉叔，從事玉器小販數十年，近年生意欠佳；不足餬口，在港舉目無親的他，惟有提早退休，靠綜援金生活。
泉叔歎道︰「我想轉行，搵過另一份工，不過人哋一睇我年紀就耍手擰頭，根本無機會，想做都冇得做。」
由於經濟環境欠佳，泉叔多年來租住唐樓板間房，為改善居住環境，他三個月前搬到現住的小房間，居住面積僅一百平方呎，惟泉叔已感到相當滿足，現只欠缺部份家庭電器。
泉叔表示︰「舊屋好多嘢都係業主嘅，我冇乜家具、電器可以搬嚟，𠵱家最希望有部電視機，唔使成日對住四面牆咁悶；另外，我希望可以有個石油氣煮食爐同雪櫃，方便煮食。」
然而，對於生活捉襟見肘的泉叔來說，上述昂貴的家庭電器實非他所能負擔，惟盼善長慷慨捐贈，助他達成心願。
捐款編號︰C1477
暖流熱線
電話：29908688
傳真：23702192
電郵：
網址：