近日被指捲入五角戀的新聞人物廖碧兒，昨日到銅鑼灣富豪酒店拍電視劇《妙手仁心III》，問到是否前緋聞男友劉愷威追女不成，向傳媒放料，大爆她跟陳豪拍拖，廖碧兒說：「我相信我bestfriend唔會咁做，我同陳豪係好朋友。」對陳豪緋聞女友陳慧珊日前表示會祝福她和陳豪，廖碧兒則說：「係咩！我無同佢合作過，無佢電話。」問廖碧兒跟陳豪在《妙》劇中飾演情侶時可會尷尬，她說：「唔會，未知有冇親熱戲，就算有都唔會拒絕，都係做嘢。」
此外，陳慧珊、劉家輝及陳觀泰前日在廣州出席《邵氏經典名片數碼出擊中國市場》記者會，對於陳豪與廖碧兒的緋聞，她坦言有與男方通電聯絡，有指廖碧兒上陳豪家，陳慧珊淡然說：「係佢嘅事，我唔喺香港六個月，我冇乜反應。」