八方噚日喺中環六星級酒店嘅中菜廳撞到一對政壇男女約見會面，男嘅係近日理應忙到無咩時間食飯嘅立法會九龍西候選人劉千石，女嘅係間唔中到嚟針砭吓時政嘅前任政務司司長陳方安生。兩位老朋友揀咗全個廳最角落個卡位，陳太雖然背對住其他食客，但佢個髮型同肥肥一樣十年如一日，離遠一睇就認得。
問阿石點解有票唔拉走去中環食飯咁得閒？佢聲稱陳太一向都好關心佢，大家個個月都有見面。近日佢兩位相繼向外高調推介同中央溝通論，政見相同，食開飯當然都有傾下，但詳情阿石唔多肯講，淨係話佢月尾又會返鄉下探媽媽。
同人唔同命，班民主黨候選人個個都話希望積極同中央溝通，轉個頭何偉途就俾人話嫖妓判刑半年，點似得阿石喺兩地邊境進出自如。
（圖）阿石（左）話自己同陳太（右）成日都有見面，好老友咁款。 資料圖片
傳真︰2623-9278
電郵︰