噚日有行家寫亞洲電視前總裁封小平，正密謀搞一個名為「全民黨」嘅政黨，用以抗衡民主派，重搵嚟一班財金界名人做核心成員，包括TOM仔話事人王兟、大律師馮華健、舖王鄧成波、恒豐金主席林世榮同埋前民航處處長樂鞏南等，又話上星期六已經響舖王北角嗰個辦事處開咗第一次會議云云。
被指為核心成員之一嘅王兟即刻出澄清聲明，話自己根本冇參加過任何所謂組黨會議，亦唔知道報道所講嘅組黨事宜，更加兩年幾冇同封小平見過面，所以佢對於話佢有份開會感到有啲驚訝同埋疑惑。又難怪佢疑惑，因為……佢嗰日好似唔響香港嘛，又點可能響北角蒲頭呢？
傳真︰2623-9278
電郵︰