日本女星菜菜子生完BB女之後，原來已靜靜雞喺今個月六號幫日本住友生命保險拍咗佢產後復出嘅首個廣告，並會喺後日於日本播出。 喺個新廣告入面，菜菜子會幫一位患病嘅小妹妹補番好佢個爛咗嘅熊公仔，你睇佢幾咁關懷個小妹妹，就知佢幾咁有母愛。另外，菜菜子話成四個幾月冇拍過廣告，好開心可以再同一班熟識嘅工作人員合作喎。